Լոս Անջելեսի հանրային գրադարանը ապահովում է տեղեկատվության, գաղափարների, գրքերի և տեխնոլոգիայի անվճար և մատչելի հասանելիությունը՝ նպատակ ունենալով զարգացնել և կրթել մեր քաղաքի բազմամշակութային համայնքների յուրանքանչյուր անհատի: Ուսումնասիրեք մեր հավաքածուն հայերեն լեզվով և ծանոթացեք մեր ծառայություններին:

---

Ցուցումներ՝ ինչպես որոնել գրքեր և հերթագրվել:

---

Գրադարանի առցանց կատալոգից օգտվելու ցուցումներ։

Հետևյալ ցուցումները կօգնեն ձեզ օգտվելու մեր առցանց կատալոգից:

Ինչպես փնտրել:

1. Այցելեք կատալոգի Ընդլայնված որոնում էջը (Advanced Catalog)
2. Սեղմեք՝ Advanced:
3. Առաջին բացվող ընտրացանկից ընտրեք գրահամարը (Call number), որոնման դաշտում մուտքագրեք անգլերեն A տառը և սեղմեք Ընդլայնված որոնում (Advanced Search): Ծածկագիր A տառը նախատեսված է հայերեն լեզվի համար (Armenian):
4. Հաջորդ պատուհանի բացվող ընտրացանկից կարող եք դասակարգել որոնումը, ինչպիսիք են հրատարակման ամսաթիվ (publication date), հեղինակ (author), վերնագիր (title):

Ինչպես պատվիրել Ձեզ հետաքրքրող նյութը՝

1. Պատվիրելու համար Ձեր նախընտրած նյութը՝սեղմեք պատվիրելու նարնջագույն պատկերակին (Place Hold):
2. Մուտքագրեք ձեր գրադարանի տոմսի համարը և Ձեր PIN կոդը (Ձեր հեռախոսահամարի վերջին չորս թվանշանները):
3. Ընտրեք նյութը վերցնելու վայրը (Pickup Location) և սեղմեք պատվերն ընդունել (Submit Hold):

---

Էլեկտրոնային նյութեր Overdrive պլատֆորմում՝

Գիտե՞ք արդյոք, որ Լոս Անջելեսի հանրային գրադարանը առաջարկում է էլեկտրոնային նյութեր (էլեկտրոնային գրքեր, էլեկտրոնային ձայնագրություններ և էլեկտրոնային տեսանյութեր) հայերեն լեզվով: Սեղմեք այստեղ ՝ տեսնելու մեր թվային հավաքածուն:

OverDrive հավաքածուն մուտք գործելու համար ձեզ հարկավոր է՝

• Գրադարանային տոմս և PIN կոդ (Ձեր հեռախոսահամարի վերջին 4 թվանշանները)
• Էլեկտրոնային հասցե ՝ ծանուցումներ ստանալու համար, երբ Ձեզ հետաքրքրող նյութը պատրաստ է ներբեռնվելու:

Գրադարանային տոմս ձեռք բերելու համար, այցելեք էլեկտրոնային տոմսի գրանցման կայքը:

Երբ Ձեզ հետաքրքրող նյութը գտել եք, պարզապես այն ավելացրեք ձեր էլեկտրոնային գրապահարանին: Եթե Ձեզ հարկավոր նյութը մատչելի չէ, կարող եք հերթագրվել (Place Hold):

Նյութը ընտրելուց հետո, այցելեք Ձեր էլեկտրոնային գրքերի էջը, որտեղ կարող եք ներբեռնել էլեկտրոնային կամ աուդիո գիրքը կամ կարդալ էլեկտրոնային նյութը ուղղակիորեն զննարկիչում (երբ գիրքը հասանելի է դառնում): Սեղմեք համապատասխան հղման վրա՝ ձեր ֆայլը ներբեռնելու կամ կարդալու համար:

---

Vlume

Vlume-ը հայկական ամենամեծ թվային գրադարանն է և հնարավորություն է տալիս օգտվել էլեկտրոնային գրքերից, աուդիոգրքերից և անիմացիոն շարքերից: Այն առաջարկում է ավելի քան 300 դասական և ժամանակակից հեղինակների ստեղծագործություններ՝ 12-ից ավելի հրատարակիչներից։ Ծրագիրը հասանելի է և՛ արևելահայերենով, և՛ արևմտահայերենով, ինչպես նաև անգլերենով: Vlume-ի գրադարանը պարունակում է ավելի քան 800 անուն և 1000 ժամ աուդիո բովանդակություն:

Ինչպես օգտվել՝

1. Ներբեռնեք Vlume ծրագիրը Apple iOS կամ Google Play խանութից:
2. Անտեսեք «Բաժանորդագրվեք հիմա» (Subscribe now) հաղորդագրությունը էկրանի վերևի աջ մասում:
3. Սեղմեք «Կարգավորումներ» (Settings) պատկերակը ներքևի աջ անկյունում: Գնացեք «Հաշիվ» բաժին (Account), այնուհետև` «Հաստատության անդամակցություն» (Institution Membership):
4. Ցանկից ընտրեք Լոս Անջելեսի հանրային գրադարանը (Los Angeles Public Library) և սեղմեք մանուշակագույն «Հղում» (Link) պատկերակը։ Մուտքագրեք ձեր LAPL գրադարանի քարտի համարը և սեղմեք «Շարունակել» (Continue):

Շնորհավորում ենք: Այժմ դուք անվճար մուտք ունեք Vlume-ի բոլոր նյութերին Լոս Անջելեսի հանրային գրադարանի միջոցով այնքան ժամանակ, քանի դեռ օգտագործում եք ծրագիրը: Նկատի ունեցեք՝ եթե դադարեցնեք ծրագրից օգտվելը, գուցե ստիպված լինեք մի փոքր սպասել՝ նորից մուտք գործելու համար։